LEGAZPI CITY—Ipigbida kan Bicol Intercity Transport Cooperative (BITCoop) an saindang modern jeepneys na may makabagong disenyo asin advanced na teknolohiya na may rutang Tabaco City-Legazpi City.
Segun ki Bicol Intercity Transport Cooperative (BITCoop) Chairman Joemil Mujar, sa intrevista kan Bombo Radyo Legazpi, an nasambitang modern jeep an maikukumparar sa mga lunadan kan Hong Kong asin Singapore na pig-aapod na ‘city bus.’
Igwa ining hiwalay na entrance asin exit, may lugar para sa mga Persons With Disabilities (PWD) na naka-wheelchairo, asin kaya man na mag-okupar nin labing 40 pasahero kairiba na an standing.
Afuera digdi, pwedesir man na magbayad nin pamasahe gamit an Radio-frequency Identification (RFID) card o an pig-aapod nindang BIT fare kun saen nakakategorya ini na para sa regular passenger, mga estudyante, senior citizens, asin PWD.
Dugang kan opisyal na afuera sa nareresibing diskwento, nagtatao man an saindang grupo nin kadugangan na 5% discount sa pag-load kan naunambitang cards kun kaya, segun saiya, na mas nakakabarato digdi na maglunad kaysa sa traditional jeeps.
An BITCoop rehistrado man na payment system operator sa Bangko Sentral ng Pilipinas (BSP).
Sa presente nasa duwa pa sanang unit an nasambitang modern jeep asin labing sarong taon nang nagpapasada sa rutang Tabaco City-Legazpi City.
 showcased its modern jeepneys with innovative design and advanced technology with the Tabaco City-Legazpi City route.){kind=link}