Naglunsar nin mahiwasan na search and rescue operations an gobyerno kan Malawi ngani na mahanap an eroplanong piglulunadan ni Vice President Saulos Klaus Chilima.
Bandang alas 9 nin pagkaaga kan maglayog an eroplanong piglulunadan kan Bise Presidente na nakatalaan kuta na maglapag sa Mzuzu International Airport na alas 10 nin pagkaaga.
Alagad bigla na sanang nawara sa radar an eroplano asin naputol man an komunikasyon kaini sa command center.
Hasta sa ngunyan bako pang malinaw kung hain na an bise presidente asin kung ano na an nangyari sa biyahe kaini.
Kaiba pa sa mga nawawara an siyam na katawo na lunad man kan nasabing eroplano.
Sa ngunyan nagtatarabangan na an mga rescue teams sa paghahanap sa lugar na huring nairekord na lokasyon kan eroplano.
