Nagtutubod si Finance Secretary Ralph Recto na madidipisilan na maabot kan Bureau of Internal Revenue asin Bureau of Customs an saindang 2024 target collections.
Ini an maski na naglangkaw an collections kan naunambitang ahensiya sa laog nin siyam na bulan puon Enero sagkod Setyembre.
Sa saiyang datos an naglangkaw nin 12.14 percent o katumbas nin P2.08 trillion an enot na siyam na bulan na collections kan BIR kun saen naabot na kaini an 62 percent kan saiyang target ngunian na taon.
Mantang an BOC an igwang paglangkaw nin 4.61 percent o katumbas na P690.84-B an nakulektar kan nasabing opisina puon Enero sagkod Setyembre.
Saro sa mga nahihiling na dahilan kan kalihim na madidipisilan an duwang ahensiya na maabot an saindang target an huli sa wara nin bagong tax measures na ipapaimplementar an gobyerno.
