Nag-abot na sa haros 800 katawo na an kumpirmadong binawian nin buhay mantang rinibo pa an nawawara makalihis na malagim na pagbaha asin pagrasay nin daga sa border kan Nepal asin China.
Nagpuon an malagim na trahedya sa pagguho kan sarong dakulang glacier sa kabuludan kan Himalayas na nagpakawala nin makusog na agos nin gapo, yelo, asin dugi sa mga salog kan Trishuli asin Bhotekoshi.
Nasa labi 3,000 katawo an kabilogang numero kan mga nawawara sa Nepal asin sa Tibet sa China, kun saen an pirang lawas an naanod na pasiring sa karatig na nacion sa India.
Kabale sa mga padagos na pighahanap sa presente an labi sa 900 na obrero an hale sa 11 hydropower projects sa Nepal na natabunan nin mahibog na dugi.
Naglansar na nin mahewasang rescue operations an gobierno kan Nepal gamit an pocomas o menos na 19,000 security personnel asin 16 na helikopter nganing ang mga biktima sa ibong kan maraot na panahon.
Nagpadara na man nin tabang asin mga expert team an India asin China, mantang nag-abot na man nin milyun-milyong dolyar na humanitarian aid ang United Nations asin iba pang nacion.
Pigkarkulong naglagpas na sa $4 bilyon ang kabilogang danyos sa imprastraktura kan nasabing kalamidad mantang padagos man liwat an huma kan panibagong pagbaha sa norteng parte kan Nepal.
