LEGAZPI CITY — Labing pag-orgulyong ipigbandera ngonian kan sarong binatilyong Albayano an bandera kan Pilipinas makalihis na maiuli an dakol na medalya sa katatapos pa sanang na swimming competition sa Japan.
Si Trump Luistro kan Legazpi Hope Christian School an naging representante bako sana kan Albay kundi kan nacion sa nangyaring 2018 Japan Age-Group Swimming Championship sa Tokyo.
Sinabat man nin pagbati si Luistro makalihis na masungkit an bulawang medalya para sa 50-meter breaststroke, silver medal sa 50-meter butterfly asin saro pang pilak na medalya sa 100-meter freestyle mantanag nasa ikaapat na pwesto man ini sa 50-meter freestyle asin 100-meter breastroke.
Mientras tanto, inomaw man ni Albay Governor Al Francsis Bichara an orag kan joven na manlalangoy mantang ipinaabot an pagbati digdi sa paagi kan official social media account.
