LEGAZPI CITY-Nasa 100% na kan gabos na munisipalidad sa provincia kan Albay an igwa nang Balay Silangan Reformation Center bilang tabang sa mga indibidwal na nalilihis sa pagpapabakal nin iligal na droga.
Segun kay PDEA Albay Provincial director Noel Briguela, sa sa intrevista kan Bombo Radyo legazpi, na ini kasunod kan matrayumpong inagurasyon sa Sto. Domingo Albay sa pagkakaigwa nin Balai Silangan Reformation Center.
Obheto suboot kan nasabing lakdang an igwang madudulukan an mga nalilihis nin agihan sa pagpapabakal nin iligal na droga.
Pwedisir na suboot ining aprobitsaran kan na mga nasa crucial category ngani mareform asin matabangan sinda na mag bagong buhay.
Suhestyon man kan opisyal na dapat maipadagos asin masustenir an lakdang sa mga local government unit sa pagpapadalagan kan mga Balay Silangan.
Sakop suboot kaini an mga pusher na asin user siring man an mga nakulong na sa iligal na droga asin an mga na-revert an kaso.
Pigsasagibo an direktiba ngani matabangan an mga katugangan sa kada komunidad orog na sa mga nalilihis an landas asin nagpapabakal nin iligal na droga.
