LEGAZPI CITY- Nadugangan nin duwang kaso nin fireworks related injuries sa Bicol basado sa datos na nairehistro kan Department of Health.
Sa ngunian nagsakat na sa walo an kaso kan mga nabiktima nin paputok sa nasabing rehiyon puon Disyembre 21- 26 na surveillance kan nasabing ahensiya gikan sa sampulong Sentinel Sites.
Nangenot sa may pinakadakol na kaso kan fireworks related injuries an probinsya nin Camarines Sur na igwa ng apat na kaso, sunod an Albay na igwang duwang kaso, mantang igwang tig sarong kaso an Camarines Norte asin sa siyudad nin Legazpi.
Kadaklan sa mga paputok na ginamit kan mga biktima an mga pinagbabawal na paputok arog kan Whistle Bomb, Improvised canon, asin five star.
Pito sa mga biktima an nakaluwas na sa ospital mantang igwang saro an presenteng na admit sa ospital huli sa malalang lugad na pigsapar kaini.
Nasa 7-20 anyos an kadaklan na biktima kan paputok na anas mga kalalakihan.
Sa ngunian padagos an pangapudan kan DOH sa publiko na ibitaran an paggamit nin mga paputok ngunian na paparani na an pagsabat nin bagong taon.
