LEGAZPI CITY- Nangangapudan ngunyan nin tabang an tagsadiri kan harong na nasulo sa Barangya Puro, Legazpi City kasubagong aga.
Segun ki Josephine Dela Cruz sa intrevista kan Bombo Radyo Legazpi na wara siya sa harong kan mangyari an insidente huli ta naglilinig siya sa irarom kan programang Tulong Panghanapbuhay sa Ating Disadvantaged/Displaced Workers (TUPAD).
May nag-apod na sana suboot saiya ngani na taraman siya dapit sa insidente.
Napag-araman na an nasabing harong an nagseserbing tindahan kan biktima na pinagkukuwaan kaini nin hanapbuhay.
Pag-istorya kaini na wara man siya nin kuryente sa nasabing tindahan asin solamenteng solar sana an pigagamit.
Nadamay man an kataning kaining harong na pagsadiri man kan saiyang tugang.
Segun ki Dela Cruz na dae niya aram ngunyan kun ano an gigibuhon urog pang nawara na an saiyang kabuhayan.
Paliwanag kaini na solo parent siya asin wara ng ibang malalaoman kaya padagos an paghagad nin tabang sa mga personang igwang marhay na buot.
