LEGAZPI CITY-Dai maapektaran an kantidad magin an paghalangkaw o pagbaba kan pamasahe sa ngonian liwat sa bigtime oil price rollback.
Segun kay Basta Driver Safety Enforcer President Noel Nebres, dai man mahababa o mahalangkaw tulos an pamasahe sa publiko huli sa wara pang pigpapaotob an LTFRB manungod digdi.
Liwat sa ngonian na kulang an pigtataong minimum fare na P13 kumpara sa Maynila na nasa P15, alagad nagkaigwa suboot nin probisyon na imantenir an P13 na pamasahe.
Wara man suboot nin tsansa na magbaba pa an pamasahe huli sa presyo kan langis orog na kan Diesel na nasa P40.
Mientrastanto, pangapudan kan opisyal sa mga operators na dai pagtugutan an mga drivers na kulang sa pagmamanihar kan saindang mga behikulo.
Pig-aabisuhan man an mga ini na i-training nin matanos an driver, pribado man o pampubliko, huli sa enot na nakakaaram sa maintenace kan behikulo an mismong mga driver, siring man sa mga operators na dapat tulos na pighihirahay an mga nahihiling na deperensya sa mga behikulo.
