Panibagong pasakit na naman sa mga motorista an pagtaas liwat kan presyo kan mga produktong petrolyo sa masunod na semana.
Segun sa report hale sa Department of Energy, an gasolina an piglalaomang mataas nin poco mas o menos P1.20 kada litro mantang an diesel an masakat nin P2.15 kada litro asin P1.75 man para sa kerosene.
An pagtaas an nakabase sa pagbaba kan US-China trade tensions na nagkawsa kan mas halangkaw na demand sa langis asin mga katakod na epekto sa merkado.
Dagdag pa digdi an pag-suspinde kan pirang sanction laban sa Russia an napabareta na nakakaapektar sa pangkinabang presyo kan krudo.
Pigkokonsidera ini kan sektor bilang dakulang pasanon sa mga konsyumer asin mga negosyong naglalaom sa transportasyon.
