LEGAZPI CITY — Nagpapadagos an preparasyon kan Bicol region para sa gigibuhon na ‘Biggest Selfie’ sa rehiyon sa huring semana kan Agosto.
Ini an katakod kan selebrasyon kan ika-35 taong anibersaryo kan Regional Mobile Force Battalion 5 (RMFB5) kun sain ipighahanda na man an manlain lain na aktibidad asin sports events para sa apat na aldaw na selebrasyon.
Katakod kaini, nakikipagkoordinar na an RMFB 5 sa Team Albay Youth Organizations Inc (TAYO Inc.) sa paglalansar kan ‘Bicol’s Biggest Selfie’ kun sain pinaglalaoman na makikipartisipar an nasa 5,000 katawo na hali sa manlain lain na parte kan rehiyon.
An nasambitan na aktibidad an ikokundusir sa PRO5 Grandstand, Camp Genral Simeon A. Ola sa ciudad kan Legazpi.
Mientras tanto, inenganyar man kan mga otoridad an publiko na makisumaro sa aktibidad bilang parte kan pagpapalakop nin kaaraman sa crime prevention asin public safety.
