LEGAZPI CITY – Nakaresibi nin P100,000 na incentives hale sa saiyang eskwelahan an bicolano topnotcher sa kakatapos pa sanang Midwifery Board Examination.
Segun ki Gabriel Antonio Berces sa intrevista kan Bombo Radyo Legazpi na plano niyang ipangbayad sa tuition an naresibing incentives para sa pagtapos niya sa saiyang kurso.
Pag-istorya pa kaini na kan maaraman niya na dae siya makaka-take kan nasabing exam kan November 2024, nagfocus muna siya sa saiyang sadiri alagad dae siya nawaran nin kusog nin boot.
Kan pag-exam niya suboot kan bulan nin February, aram niya sa saiyang sadiri na makakapasar siya sa Midwifery Board Examination.
Labi man an pasasalamat kaini sa saindang eskwelahan huli ta pigtugutan sindang enuton muna an saindang mga bayadan sa pag-review asin pag-exam kaysa sa pagbayad sa saindang tuition fee.
Afuera sa kwarta suboot na nareresibi, mawot man nindang matawan nin honra an saindang eskwelahan siring man sa saindang midwifery department.
Huli man ta nagin scholar sinda kan Department of Health, mawot ni Berces na maipahiling an saindang pasasalamat sa paagi kan pagtabang sa nasabing departamento asin sa mga komunidad.
