LEGAZPI CITY- Suportado kan sarong Bicolanong kongresista an nakatalaan na pagkokundusir kan Barangay asin Sangguniang Kabataan Elections sa Nobyembre 2, 2026.
An nasabing pirilian an kasabay kan All Saints Day.
Segun ki Ako Bicol Partylist Representative Alfredo Garbin Jr. sa intrevista kan Bombo Radyo Legazpi na magayon na isabay an aktibidad sa holiday ngani na matawan tsansa an mga Pilipino na makauli sa saindang mga provincia ngani na makaboto.
Katakod kaini, sinabi kan kongresista na magayon na pagkakataon an eleksyon ngani na makapili kan mga bagong lider na magseserbi sa mga namamanwaan.
Paliwanag kaini na an barangay an pinakasadit na lokal na gobierno asin nasa frontline kan pagtatao nin basic services kaya dapat sanang pumili nin mga tamang kandidato na igwang pagmakulog sa mga namamanwaan.
