LEGAZPI CITY- Pigkokunsiderar kan sarong Bicolano na dakulang biyaya an pagkaka sungkit kaini kan rank 2 sa Fisheries Technologist Licensure Examination 2024.
Sa intrevista kan Bombo Radyo Legazpi ki Jan Reil Bernales na tubong Sorsogon, sinabi kaini na dae niya pinaglaoman an nasabing resulta urog pang nadifisilan man sa ika-duwang aldaw kan eksaminasyon.
Marurumduman na nagtapos si Bernales sa Sorsogon State University asin nakakuwa nin passing rate na 91.25%.
Pag-istorya kaini na aki pa sana siya, nakahiligan na an pagsisira huli ta pirmihan na kaibanan kan saiyang ama.
Huli digdi, nagkaigwa man suboot siya nin interes sa mga sira asin fishing tools huli sa impluwensya kan saiyang ama.
Aminado man si Bernales na bako madali na pag-adalan an aquaculture huli sa hewas kan sakop kan kinakaipuhan na pag-adalan.
Mientras tanto, pinayuhan man kaini an iba pang mga makuwa nin eksaminasyon na isapuso an pag-adal ngani na maabot an saindang mga pangaturugan.
