LEGAZPI CITY — Inasegurar kan Overseas Workers Welfare Administration (OWWA) Bicol na matao ini nin asistensya sa kahimanwang Overseas Filipino Workers (OFWs) na nagbalik sa nacion haleng Kuwait.
Segun ki Rowena Alzaga, tagapagtaram kan OWWA Bicol, afuera sa repatriation program kan Department of Labor and Employment (DOLE) sa mga OFWs, may itatao man na livelihood assistance sa irarom kan Balik Pinas, Balik Hanapbuhay kun sain makakaresibe an OFW sain man haleng nacion nin P20,000 cash assistance bilang puhunan sa pagnenegosyo.
Dugang man na P5,000 para sa mga OFW haleng Kuwait sa irarom kan CARE cash relief na sarong grant asin bako pautang.
Wara pa man na kapot na data an OWWA Bicol sa nag-uling Bicolano haleng Kuwait alagad nag-aabot sa 10,594 na kahimanwa an nagtatrabaho sa nasabing nacion.
Mientras tanto, padagos man suboot an monitoring kan ahensya sa mga OFWs sa Saudi alagad wara pa nin ipigtatang guidelines siring kan sa naciong Kuwait.
