LEGAZPI CITY- Dakula an pasasalamat ni Jason Vostros na warang nakulugan sainda sa pagtama kan Manitude 5.5 na linog sa Tingloy, Batangas na sinundan pa nin dakol na aftershocks.
Sa exclusive interview kan Bombo Radyo Legazpi ki Vosotros, ipigheras kaini na nasa Tanuan suboot sinda kan mangyari an linog asin naka-duty sa kumpanyang pinagtatrabauhan kaini.
Pinirit suboot nindang magin kalmado sa ibong kan namatean na makusog na pagyugo asin kanya-kanyang hanap nin matataguan na lugar ngani na maisalbar an sadiri.
Dugang pa kaini na an iba an nagsiruluwasan pa sa building makalihis na mahiling na igwang nagkapirang parte kan saindang opisina an nagkaigwa nin batak sa lanob mantang an iba an dae na nakayanan asin nawaran nin malay sa nasambitan na insidente alagad tulos man na natawanan nin first aid.
Naobserbaran man ni Vosotros an sarong isang ospital sa Batangas City na pinaluwas pa an mga pasyente sa pagkahandal na igwang mabagsak na parte kan ospital mantang nahiling pa kaini an pag-crack kan lanob na salming sa sarong establisyemento.
Sa presente balik na suboot sa normal an sitwasyon kan mga ini alagad minsan an nakaka eksperyensya pa nin aftershock.
