LEGAZPI CITY – Nakua kan Bicol University – Legazpi an pang-tulong pwesto para sa Top Performing School sa ipinaluwas na resulta kan June 2017 Nursing NLE Board Exam.
Ini makalihis na makakua nin rating na 84.47% an Unibersidad kun sain 87 na mga estudyante an nakapasar sa 103 na nagkua kan eksaminasyon.
Mientrastanto, nangenot man sa listahan an Xavier University, Ateneo de Cagayan kun sain nakakua ini nin rating na 100.% makalihis na makapasar an gabos na 60 estudyante na nagkua kan eksaminasyon.
Nagpang-duwa man an West Visayas State University na igwang 99.21% na rating kun sain saro sana sa 126 na estudyante an dae nakapasar.
Pang-apat man sa Top Performing School an University of Pangasinan na igwang 83.58% rating asin laog sa pang-lima an Ateneo de Zamboanga na igwang rating sa 80.67%.
Mientrastanto, laog man sa top 7 kan board exam an estudyante kan Bicol University na si Beverly Ann Amistoso Guerrero.
