LEGAZPI CITY-Kamawotan kan transport group sa rehiyon Bicol an pagkakaigwa nin transparency asin accountability huli sa halangkaw na pigbabayadang buwis kan sektor sa gobierno kasunod kan November 30 Rally sa ciudad kan Legazpi.
Susog sa pahayag ni PISTON Bicol Spokesperson Ramon Rescovilla, na labing natatamaan an sektor kan transportasyon huli ta sa laog nin sarong taon, uminabot sa P128 Bilyon na buwis an pigbabayadan sa gobierno.
Dugang pa niya na makamundo na napapaduman sana ini sa mga bulsa kan mga ‘kurap asin masisiba na politiko’.
Pangapudan man kan grupo na magdemitir na sa puwesto si President Marcos asin Bise Presidente Duterte.
Tinawan doon man kan opisyal na dai pwedisir magtukaw an Bise Presidente huli sa dai niya maipaliwanag na confidential funds.
Magpapadagos man suboot an sektor kan transportasyon sa pagsuporta asin paghiro ngani mapatalsik sa puwesto an mga imbuelto sa kurapsyon sa gobierno.
