LEGAZPI CITY—Posibleng magdadara nin mga pag-uuran sa rehiyong Bicol an pigbabantayang raot nin panahon sa nacion, susog sa state weather bureau.
Segun sa Weather Specialist na si Jun Pantino, sa intrevista kan Bombo Radyo Legazpi, posibleng madara ini nin paminsan-minsang pag-uuran sa Bicol alagad sa ngunyan dae man piglalaoman an makukusog na pa-uurann.
Mientrastanto, sa ibong na banda, nagpatanid man ini na mas lalong matindi an epekto kan El Niño kaya inabisuhan kaini na maghanda para sa nasabing phenomena kun sain piglalaoman na kukulangon sa suplay nin tubig magin an pagpapalikay sa labing exposure sa aldaw.
Sinabi pa kaini na presente nang namamatean an El Niño asin piglalaoman na pag-abot kan Hulyo, Agosto, Setyembre hasta sa huring kwarter kan 2026 an digdi na mamamatean an makusog na epekto kaini.
