LEGAZPI CITY – Pig-aantisiparan na an dagsa kan rinibong estudyante sa Bicol Region sa manlaen-laen na eskwelahan katakod kan pagbubukaw liwat nin klase sa mga private and public schools sa maabot na Lunes, Hunyo 5.
Katakod man kan posibilidad na gamiton kan mga lawless groups an nasambit na sitwasyon para sa paglulunsar kan mga karumal-dumal na mga akitibidad, inasegurar kan Bicol PNP an commitment sa katoninongan asin pagtatao kan kinakaipuhang asistensya sa mga constituentes sa rehiyon.
Sa pakikipagkoordinar sa Department of Education, Commission on Higher Education asin iba pang Non-government agencies, nakatalaan kaining pahiruon an gabos na resources sa pag-otob kan mga kasuguan sa pag-implementar kan seguridad asin public safety plans.
Irereactivate man an OPLAN Balik Eskwela 2017 para sa operational readiness kan gabos na police units sa pagresponde sa anumang huma sa paz y orden siring man sa mga kriminal.
Nagpababa naman nin kasuguan si Police Regional Office 5 PC/Supt. Melvin Ramon Buenafe nin direktiba sa gabos na Provincial Directors asin hepe kan kada pulisya sa traffic management asin control kan opening of classes.
