LEGAZPI CITY- Igwa nin naisip na pakulo an Albay PNP para sa mga commuters katakod kan pagselebrar kan aldaw kan mga puso.
Sa hampangan kan Camp Simeon Ola, may mga pulis na nakaabang sa mga behikulo sa paagi kan sarong checkpoint ngani na magdistribuir nin mga paper hearts na igwa nin nakasurat na mga pagirumdom.
Sa intribista ki PCI Arthur Gomez, tagapagtaram kan Albay PNP, province wide an nasambitan na aktibidad kan mga pulis.
Kasabay suboot sa mga nakasurat na precautionary measures an dapit sa paglikay ngani na maibitaran na kasulo asin iba pang giya sa pagbyahe.
Libre man nin sarong oras sa violation an mga motorista makalihis na magdesisyon an nasambitan na pulisya na bayaan na makaagi an mga behikulo na libre sa checkpoint sa oras na alas 6:30 hasta alas 7:30 nin aga.
Dugang pa ni Gomez, nakatusok sa barbeque stick an mga papel na puso mantang sa ibang istasyon burak an pinanao kan mga pulis.
Pakonswelo ini kan PNP bilang pakisumaro sa international celebration kan aldaw kan mga puso.
