LEGAZPI CITY—Piglalaoman na makakaeksperyensya nin makukusog na pag-uuran an rehiyon Bicol antes sa aldaw nin Martes, Nobyembre 25, huli sa epekto kan bagyong Verbana.
Segun ki Masbate Weather Specialist Christian Allen Torrevillas, sa intrevista kan Bombo Radyo Legazpi, laoman an nasa 100 sagkod 200 millimeters na pag-uuran sa nasabing rehiyon sagkod saagang Martes na hapon.
Mantang makaka-eksperyensya an Bicol nin 50 sagkod 100 millimeters na pag-uuran puon saagang hapon sagkod Miyerkoles na hapon.
Posible man suboot an pagbaha sa low-lying areas o mga harani sa salog siring man an pagguho kan daga sa mga highly susceptible areas partikularmente sa mga provincia kan Albay, Sorsogon, Masbate asin Catanduanes.
Siring man na makaka-eksperyensya nin localized flooding sa provincia kan Camarines Sur.
Mientrastanto, basado man sa forecast kan state weather bureau na sagkod Tropical Depression an kategorya kan nasambitang bagyo asin posibleng magluwas ini kan Philippine Area of Responsibility sa Miyerkoles na banggi o Huwebes na aga.
