LEGAZPI CITY — Pagpaparahay kan competitivenes sa rehiyon asin prosperidad kan ekonomiya an target ngonian kan Department of Tourism Bicol sa paagi kan pag-engganyar asin pagpromote kan turismo.
Sa intrevista kan Bombo Radyo Legazpi ki Fe Buela, Supervising Tourism Operations Officer kan ahensya, napag-araman na nasa preparasyon sinda ngonian kan tourism investment promotion guide na mayor na target an mas dakol na investors.
Nakapalaman suboot ini bilang priority project kan national asin regional development plan.
Sa ibong na lado, naglalaom man an nasabing opisyal na madadagos na an pagbubukas kan Bicol International Airport sa taong 2021 na urog na mapabaskog sa turismo sa rehiyon na magdadara nin dakol pang trabaho.
En kaso kaya mapabuksan na an nasabing erpuerto, direkta na an access sa international level asin mas magigin magabat pa an influx kan mga tawo na mangangaipo nin highly competitive facilities asin infra projects.
