LEGAZPI CITY – Pig-aandamang mao-octaba liwat an implementasyon kan propuestong Bicol International Airport (BIA) makalihis an pagtuyaw ni Coop-Natcco Rep. Anthony Bravo sa impending award kan nasabing proyekto kan JD Legaspi Construction asin partner na EM Inc.
Segun ki Bravo, nakaresibe siya nin report na an potential contractor na post-qualified kan Department of Transportation Bids and Awards Committee an may reputasyon na dae pigkukumpleto an ipigtataong proyekto digdi na nagsasayang sana nin oras asin resources kan gobyerno.
Bako suboot kwalipikado an nasabing construction company na magpartisipar sa government project makalihis an suboot pagbalgar kaini sa probisyon sa Republic Act 9184 o an Government Procurement Reform Act.
Kun babalikan, pinunan an nasabing proyekto kan administrasyon ni dating Presidente Gloria Macapagal-Arroyo alagad nagtenir na dormant hasta sa termino ni dating Presidente Benigno Aquino III.
Kan Disyembre 2016, pig-omaw ni Albay 2nd District Rep. Joey Salceda an insigidang aksyon ni President Rodrigo Duterte para sa pagpapaluwas kan Php700-million para sa konstruksyon kan landslide facilities kan BIA asin an bidding kan P1.71-billion expansion kan erpuerto.
Kun matapos an international airport, pighihiling na malangkaw an foreign tourist arrivals kan Bicol region sa 1.25 million.
