LEGAZPI CITY — Mapadagos hasta sa aga an pinakaenot na Bicol Food Expo katakod naman kan selebrasyon kan Magayon Festival 2017 sa Albay Astrodome.
Tampok sa aktibidad an manlaen-laen an pagkaon asin gamit panluto hale sa manlaen-laen na nasyun.
Segun sa producer kan aktibidad na si Evelyn Honrado, ini an kaipuhan kan syudad huli sa haros an mga probinsya sa nasyun an nagkokondusir na nin siring na aktibidad.
Highlight kan food expo an bar tending competition asin demo cooking competition kun saen partikular na lulutuon an mga pasta dishes.
Apwera sa mga specialty kan kada lugar, may mga ekipahes man na pwedesir bakalon na hale pa sa Manila.
Kasabay sa mga pagkaon na tampok digdi an turmeric o luyang dilaw kan Cavite, sisig, shawarma, mga de lata asin dessert.
May libre man suboot na ice cream asin kape.
Naglalaom man si Honrado na mapadagos an aktibidad sa mga masunod na taon asin mas madakol an mga makikisumaro sa food expo.
