Nagkasundo asin inaprubahan na kan Bicameral Conference Committee na gibuhon nang Department of Economic Planning and Development (DEPDEV) an presenteng National Economic Development Authority (NEDA).
Si Albay Rep. Joey Salceda an may akda sa propwestong magtatatag nin independent economic planning department asin sa makalihis an 40 taon nakumpleto na kan Kongreso an mandato kan Konstitusyon sa pagkrear nin malayang ahensya sa pagpaplano kan ekonomiya na may represante kan sarong bilog na departamento kan Gabinete.
Dugang pa kan ekonomistang mambabatas na malinaw sa Konstitusyon na paramientras sana an pagpuno kan NEDA sa papel na ini.
An pangangaipuhan kan malayang pagsusuri sa ekonomiya an may hirarom na lugad sa satuyang makabagong kasaysayan.
Sa napaparaning pagsasaley kan DEPDEV bill, igwa nang standing definition para sa kalayaan kan Departamento.
Na institutionalize na man an SubCommittee on Inflation Monitoring nganing masyerto na may kapot an gobyerno sa presyo.
Ipigheras man ni Salceda na bilang dating Chair kan Regional Development Council of Bicol sa laog kan siyam na taon, asin bilang Chair ng Luzon Area Development Coordinating Council, pigmawot man niya na i- institutionalize an mga RDC bilang instrumento kan pambansang kauswagan.
