Inihayag kan Bureau of Immigration na presenteng wara nin travel records na nagluwas sa Pilipinas an dating hepe kan Bureau of Corrections na si Gerald Bantag.
Ini an kinumpirmar kan tagapagtaram kan bureau na si Immigration Spokesperson Dana Sandoval.
Boot sabihon na dae pa nakakaluwas sa nasyon si former BuCor Director General Gerald Bantag sa ibong kan padagos na pagtugis saiya kan mga awtoridad.
Siya an suboot ‘mastermind’ sa paggadan sa mamamahayag na si Percy Lapid kan Oktubre 2022.
Saiyang pigkakahampang an kasong murder sa Regional Trial Court kan Las Piñas alagad temporaryong ipig-archive huli ta dae pa nahihiling.
Magigirumduman na naenot nang nagsugo an Department of Justice and Bureau of Immigration na ibugtak sa irarom kan sarong ILBO o Immigration Lookout Bulletin Order si Bantag, asin igwa na nin Hold Departure Order na ipinaluwas kan Muntinlupa Regional Trial Court kan 2023.
Kasunod an pahayag na warang travel record si Bantag sa Immigration kan sabihon kan PNP-Cordillera na wara sindang impormasyon sa lokasyon kan pugante.
