Inihayag kan Bureau of Immigration (BI) na presente nindang pig-aaram kun siisay sa 33 personalidad na isinairarom sa Immigration Lookout Bulletin Order (ILBO) an nasa labas na kan nacion.
Segun kay BI spokesperson Dana Sandoval, piglalaomang maaaraman ngonian na aldaw an listahan kan mga indibidwal na wara sa Pilipinas.
An mga nasabing personalidad an iniimbestigaran katakod kan suboot maanomalyang flood control projects na nagkakantidad nin bilyong piso.
Kabare sa mga pangaran sa ILBO an pirang mambabatas, dating opisyal kan gobierno, asin mga presenteng nasa serbisyo publiko.
Obheto kan Immigration Lookout Bulletin Order (ILBO) na mabantayan an hiro kan mga imbwelto mantang ipigsasagibo an mas hararom na imbestigasyon.
An ILBO an sarong mekanismo kan Department of Justice (DOJ) na ipigpapadara sa Bureau of Immigration upang alertuhon an mga immigration officer sa mga indibidwal na may pigkakahampang na imbestigasyon o kaso.
Bako ini kapareho kan hold departure order, alagad nagsisirbing patanid nganing masubaybayan an pagluwas kan pilipinas kan mga imbwelto.
An imbestigasyon an pigpapangenotan kan Independent Commission for Infrastructure (ICI), na nag-iimbestiga sa mga flood control projects na suboot overpriced, ghost projects, o dae nagtutugma sa aktwal na implementasyon.
Pira sa mga proyekto an pigsasabing pinondohan nin dakulang kantidad alagad warang supisyenteng ebidensya kan aktwal na konstruksyon.
 said it is currently investigating which of the 33 personalities placed under the Immigration Lookout Bulletin Order (ILBO) are already outside the country.){kind=link}