Naka-heightened alert ngonian an Bureau of Immigration (BI) makalihis magluwas nin arrest warrant ang Sandiganbayan orog na sa dating kongresistang si Zaldy Co asin 15 pang iba.
Si Co asin 15 pang iba an inakusaran nin graft asin malversation katakod kan substandard na flood control project sa Oriental Mindoro.
Segun ki Immigration Commissioner Joel Viado, nakabugtak na sa centralized derogatory database kan BI an mga pangaran kan gabos nin may warrant.
Boot sabihon awtomatiko na mapa-flag asin mabe-verify en kaso magporbar na maglaog o magluwas kan nacion an siisay man sainda.
En kaso madakop, may mahigot suboot na abiso sa mga BI officer na makipagkoordinar tulos sa Philippine National Police para sa tamang pagpapaotob nin warrant.
