Nagpatanid liwat an Bureau of Immigration sa publiko manungod sa mga ”love scam” job offers sa ibang nasyon.
Ginibo kan ahensya an pagirumdom makalihis na maisalbar an sarong 24-anyos na babaeng Filipina hale sa Cambodia asin ibinalik sa nasyon makalihis na mapiritan na magtrabaho sa sarong “love scam” hub sa Phnom Penh.
Susog saiya, pigtawan siyang promesa na trabaho bilang sarong representante sa serbisyo sa kostumer para sa sarong kompanya nin online betting.
Pigpaliwanag kan biktima na nakaresibe siya nin job offer hale sa saiyang dating katrabaho.
Enot siyang naglupad pasiring sa Taiwan bago nagbyahe pasiring sa Cambodia.
Pag-abot niya, sinabi kan saiyang among na nakipag-olay siya sa mga namamanwaan na Amerikano sa paagi nin social media asin mga aplikasyon.
Sinabi niya na kun dai ninda naabot an kinakaipuhan na quota an makukulugan sinda nganing magtrabaho asin maabot an quota.
Pig-asegurar kan gobyerno an gabos na tabang sa biktima matapos ini makabalik sa Pilipinas.
Padagos man an pagtabang kan ahensya sa iba pang kaso nin human trafficking na nagbibiktima sa mga Pilipino.
