LEGAZPI CITY-Padagos an motibasyon kan Bureau of Fire Protection Regional Office V makalihis matawanan nin honra sa 2025 Search for Outstanding Government Workers.
Segun kay BFP Regional Office V Senior Superintendent Achilles Santiago, sa intrevista kan Bombo Radyo Legazpi na kaipuhan na mahiling ini bilang parte kan saindang motibasyon ngani na maaraman kan taumbayan an programa asin serbisyo kan saindang ahensya.
Kaiba suboot sa saindang parangal an deputy of special rescue force asin an mga lideres asin iba pang opisyal kan saindang himpilan.
Dugang pa kan opisyal na saindang obligasyon an makapagtao nin special rescue operation, humanitarian mission, asin iba pang mga training asin operasyon sa mga namamanwaan.
Kadifisilan sana suboot sa sainda an kooperasyon sa gabos orog na sa panahon kan kalamidad sa saindang tulos na pag-ebakwar para sa saindang seguridad.
Sa naresibeng honra, dugang pa kan opisyal na saro ining pangenot na benepisyo sa pagpauswag kan saindang moralidad bilang pag-bisto sa saindang buwis buhay na trabaho bilang mga rescuers.
Abiso man kan opisyal na padagos an saindang kolaborasyon sa manlain-lain na ahensya kan gobierno, sa mga lokal na gobierno, asin disaster risk response nagni maipaotob an saindang responsibilidad para sa mga namamanwaan.
