LEGAZPI CITY – Nagpasaklolo na sa mga otoridad an sarong Bureau of Fire Protection (BFP) personnel makalihis na suboot i-blackmail kan sarong tawong minsan sana kaining hinagadan nin tabang sa pagparada nin behikulo.
Sa nagunong impormasyon kan Bombo Radyo Legazpi sa Daraga Municipal Police, sarong FO1 Jose Esmeria Jr., 33-anyos na presenteng nakadestino sa Manito Fire Station an nagdulok sa hepatura tangarig na isumbong an suboot paghuma asin paghagad nin dakulang kantidad nin kwarta kan suspek.
Makalihis an nagkapirang oras asin pahali na kuta an biktima kan manotaran na nawawara an magazine kan badil kaya’t kinompronta kaini si Loriega na tulos man ipignigar an akusasyon.
Enot kaini, nagkabisto suboot si Esmeria asin an ipigrereklamong si Nemecio Loriega Jr. makalihis na magpasiring sa Brgy. Kimantong para sa sarong conference kun sain nagtangro an suspek na ipaparada an behikulo kan fire personnel.
Paramientras man na naghali si Esmeria mantang nawalat sa laog kan behikulo si Loriega asin an mga personal na mga gamit kan biktima kaibanan na an caliber 40 na badil asin sarong spare magazine na laog an 15 bala.
Mientras tanto kinaagahan, liwat na kinompronta kan biktima si Loriega kun sain nagsimbag ini na ibabalik an magazine kan badil karibay an kabangang milyong piso mantang kun magpalyar, susunadan nin kasong pagbayolar sa Gun Ban sa korte an fire personnel.
Mientras tanto, padagos pang pig-iimbestigaran kan mga otoridad an insidente.
