LEGAZPI CITY – Naglalaom an Bureau of Fire Protection Matnog na magkaigwa sinda nin fire substation ngonyan na taon sa Barangay Pangi, Matnog, Sorsogon.
Sa intrevista kan Bombo Radyo Legazpi ki SFO4 Rene Ariate, Officer-in-Charge kan Matnog Fire Station, nagpadara na nin plano sa Sangguniang Bayan asin naglalaom na magkaigwa nin lot donation.
Segun ki Ariate, dakula an maitatabang kan nasabing pasilidad bako sana sa pagresponde sa kasulo kundi sa iba pang emerhensya.
Napag-araman na nakatugdok an fire station kan Matnog sa intersection kan banwaan sa Bulan.
Nasa 20km an distansya kaini sa centro kan Matnog kaya nahahaluyan sa pagresponde.
Sinabi kan opisyal na oras na maitindog na an fire substation an bubugktakan nin ambulansya asin fire truck.
Huli digdi, marikas na makakapagresponde an mga personahes kan opisina lalo pang pirmi suboot igwa nin nairerehistrong aksidente sa nasabing barangay.
