LEGAZPI CITY – Ikinakahadit kan Bureau of Fire Protection (BFP) Legazpi na magkulang an personal protective equipment (PPE) kan mga personahes kun maghahaloy pa an krisis na dara kan coronavirus disease.
Sa ngonyan igwang pigagamit na PPE an mga BFP personnel mientras na imbes na regular na face masks air purifying respirator an gamit kan mga ini.
Alagad inako ni City Fire Marshall FS/Insp. Garry Lunas sa eklusibong intrevista kan Bombo Radyo Legazpi, na limitado an suplay kan mga nasabing gamit.
Tangarig na mapahaloy an gamit kan PPE na dapat kuta sarong bes sanang gagamiton, piglilinigan ini makalihis an proseso kan doffing tangarig na magamit giraray.
Katakod kaini, pangapudan kan BFP Legazpi na makisumaro an gabos sa pagsunod sa mga quarantine protocols tangarig na dae man maikompromiso an pagbabantay asin mapugulan an paglakop kan helang.
Apelar pa sa mga lokal na gobierno na nakakasakop na matabangan an mga personahes sa pagbakal kan iba pang kinakaipuhang medikal na ekipahes.
