LEGAZPI CITY-Nagpagirumdom liwat an Bureau of Fire Protection Guinobatan sa publiko na mag-ingat sa kasulo makalihis an sarong nirespundihan sa kasulo sa saindang banwaan.
Segun ki Guinobatan Fire Station Fire Inspector Marshal Warren Orendain, sa intrevista kan Bombo Radyo Legazpi na sarong harong an nadanyaran kan kasulo asin sinikap nindang maisalbar an mga kataraid kaini.
Nag-perform man sinda nin “cover exposure” sa nasabing pag-respunde ngani dai na madamay pa an kataraid kaining harong.
Bandang alas 3:10 nin hapon, naideklarar ining fire under control asin bandang alas 3:15, tulos na idineklara ining fire out.
Wara man nin nairido asin nadamay na iba pang harong makalihis an kasulo.
Mientras tanto, padagos an imbestigasyon kan mga otoridad asin pagkalap nin impormasyon manungod sa pinagmulan kan kasulo.
Kasabay kaini, nagpagirumdom an opisyal sa mga kababayan, na siertuhon nakahale sa saksakan an mga appliances tuyong mahale sa harong, saraduhon an mga LPG tank regulator, asin ibitaran an mga “octupos connection” sa mga kagamitan.
Basado man sa saindang datos, haros pang-apat na insidente na ini nin kasulo sa banwaan kan Guinobatan.
