LEGAZPI CITY – Nanao nin mga pamasko an Daraga Bureau of Fire Protection nin mga pamasko sa jovenes mantang pigsasabay an saindang kampanya nganing maibitaran an kasulo.
Segun kay Senior Fire Officer III Kenneth Nieva an Chief kan Chief kan Community Relations Unit and Public Information Unit kan BFP Daraga sa intrevista kan Bombo Radyo Legazpi na obheto kan gift giving na mapakusog an saindang pangapodan nganing mamantenir an sarong ligtas na pag selebrar nin bagong taon.
Nag-lilibot man sinda sa mga nagkapirang barangay sa Daraga nganing maidistribwer sa mga jovenes an saindang mga regalo nganing mapaugma an mga ini ngunyan na christmas season dawa sa sadit na paagi.
Pigsasabay man ninda sa gift giving an saindang information campaign nganing maprotehiran sa kasulo an banwaan.
Pigtawan doon ni Nieva na piggigibo kan BFP Daraga an gabos nganing masawata an paggamit kan mga ipinagbabawal na paputok na pwedesir magkawsa nin kasulo ngunyan na paparani na an bagong taon.
Pangapodan ka sa publiko na mas maugmang iselebrar an pagpalit kan taon na kompleto an mga parte kan lawas kun kaya mas pilion na sana suboot na maghiling na sana sa mga community fireworks display kan banwaan kaysa sa magtangkilik kan mga paputok.
