LEGAZPI CITY—Sienerto kan Bureau of Fire Protection Bicol na malinig, transparent asin patas an saindang pagproseso sa pagpili kan mga aplikante na mawot maglaog sa saindang hanay.
Ini an kasunod kan mga report na naghahagad suboot nin bayad asin piggamit an posisyon kan pirang empleyado nin gobierno nganing matabangan an mga aplikante na makalaog sa saindang serbisyo.
Segun ki BFP Bicol Regional Director Fire Senior Superintendent Achilles Santiago, sa intrevista kan Bombo Radyo Legazpi, nag-aagi ini sa proseso siring kan pagsumiter kan mga dokumentos, pagsairarom sa medical, dental and psychoneuro processng magin an qualifying exam, Physical Agility Test, interview, asin maagi sa draw lots.
Paki-olay man kaini sa gabos na Fire Marshall, Provincial Fire Marshall na an gabos na mahapot mapadapit sa ahensya an dapat na tukdoan sinda kun ano an dapat na gibohon. Siring man na dae pagpalaomon na makusog sa Regional Director o may kabistadong pulitiko.
Mahigot man niyang pagiromdom sa mga magurang na mga mawot na mag-apply sa BFP na dae tulos magtubod sa mga kabistado na personahes kan BFP na matangro nin kwarta nganing makalaog sa saindang ahensya.
