LEGAZPI CITY—Padagos an pakikipagkoordinar kan Bureau of Fire Protection Bicol sa saindang mga provincial fire marshal mapadapit sa pagpreparar en kaso man na maghalangkaw an Alert Level kan Bulkang Mayon.
Segun ki Bureau of Fire Protection Region V Acting Regional Director Fire Senior Superintendent Achilles M. Santiago, sa intrevista kan Bombo Radyo Legazpi, sainda nang pigpapasumiter an mga numero kan mga personahes asin mga abelableng fire trucks kan saindang provincial fire marshal en kaso man na ihalangkaw an alert status kaini asin ngani na man na mas dakol na mga residentes an saindang matabangan.
Dugang kan opisyal na igwa man sindang kadugangan na 155 personahes gikan sa Albay kun sain sinda an first line of defense o first responders nganing dae magkaigwa nin problema an saindang operation asin admin personnel.
Inengganyar man kaini an mga apektadong local government units na iayos an saindang incident command system nganing en kaso man na magtaas an alert status kan bulkan an igwa nang personahes na mamanehar kan nasabing system.
Sienerto ni Santiago na nakapreparar an saindang ahensya sa anumang pagresponde para sa mga apektado kan pag-alburoto kan nasambitang bulkan.
