LEGAZPI CITY- Nakahanda na an Bureau of Fire Protection (BFP) Bicol sa pinagkakahaditan na epekto kan Tropical Storm Hagupit.
Segun ki BFP Bicol Director Fire Senior Supt. Achilles Santiago sa intrevista kan Bombo Radyo Legazpi na pigkakahaditan na posibleng magdara nin makukusog na mga pag-uran an nasabing raot nin panahon.
Huli digdi, naka alerto an ahensya sa posibleng pagkakaigwa nin lahaw flow o an pagdausdos kan volcanic materians na inibuga kan bulkang Mayon.
Marurumduman kaya na kan nakalihis na semana, nagkaigwa ninmahibog na abo hali sa nasabing bulkan.
Sinabi kan opisyal na preparado an saindang mga personnel sa pagtatao nin anuman na asisyensya sa mga lokal na gobierno asin sa mga apektadong residente.
