LEGAZPI CITY — Nagpatanid an Bureau of Fire Protection (BFP) sa publiko na magdoble-ingat tangarig makalikay sa kasulo katakod kan paparaning pag-obserbar kan Undas.
Sa intrevista kan Bombo Radyo Legazpi ki BFP Bicol spokesperson SFO4 Aramis Balde, kaipohang siertuhon na naka-unplug na an gabos na appliances asin na-check na an LPG antes na bayaan an harong kasabay kan pagbisita sa mga camposanto.
Tinawang duon kan opisyal na mas maray nang masierto na klarado na an gabos antes urog na sa mga lugar na prone sa kasulo.
Napag-araman na nakatalaang mag-deploy nin mga firemen asin medical team an ahensya sa mga nasabing lugar sa marikas na pagtataong-asistensya en kasong may mangyaring emerhensya.
