LEGAZPI CITY—Nakapagrehistro an Bureau of Fire Protection Albay nin 66 na nirespondehan sa kakatapos pa sanang Palarong Bicol 2026 sa Legazpi City.
Segun ki BFP Albay Provincial Fire Marshal Fire Superintendent Jerickson Miraflor, sa intrevista kan Bombo Radyo Legazpi, kabale digdi an pagresponde ninda sa emergency medical cases siring kan pangungulog nin lawas, abdominal pain, back pain, kadipisilan sa paghahangos, fainting asin iba pa na nangyari sa mga kawat arog kan football, swimming asin wrestling.
Dugang ni Miraflor na afuera digdi, igwa pa man na nairehistrong mga pagresponde sa iba pang playing venues na bako cover kan saindang opisina.
Pighayag man kan opisyal na nagin matrayumpo man suboot an pagsagibo kan nasabing aktibidad.
Mientrastanto, nagpasalamat man si Miraflor sa gabos na opisina asin indibidwal na nagtararabang nganing maasigurar na salbado an seguridad kan mga delegado sa Palarong Bicol 2026.
