LEGAZPI CITY-Ikinaogma kan Bureau of Fisheries and Aquatic Resources Bicol an pagkakaigwa nin halangkaw na performance rating kan mga iskolar sa nakalihis na October 2025 Licensure Examination for Fisheries Professional.
Segun ki Bureau of Fisheries and Aquatic Resources Bicol Spokesperson Rowena Briones, sa intrevista kan Bombo Radyo Legazpi na nakakataba nin puso an nagibong historya kan nasa 35 iskolar sa rehiyon sa nakalihis na exam.
Ipig-orgulyo man niya an pagkakapasar kan 3 estudyante asin nakalaog pa ini sa Top 10 huli sa dedikasyon asin higos na saindang ipinahiling.
Tinawan doon man niya na an BS Fisheries course an bako sana para sa mga parasisira alagad saro suboot ining mahewas na scope asin mapadapit sa siyensya na nagpapauswag sa industriya kan mga parasisira bako sana suboot sa Bicol Region magin sa bilog na nacion.
Sa presente an nasa 26 na scholars an ahensya sa bicol region asin nasa 84 man an presenteng nag-aadal sa manlain-lain na unibersidad sa nacion.
Mensahe man kan opisyal na ipadagos an pagsisikap asin pag-adal huli sa pigpapauswag kaini an mga nasa sektor kan mga parasisira sa rehiyon bikol.
