LEGAZPI CITY—Pighayag kan Bureau of Fisheries and Aquatic Resources na padagos sinda na mabarewas asin masuporta sa mga parasisira sa provincia kan Albay.
Segun sa pahayag ni BFAR Albay Provincial Fisheries Office Head Alvin Christopher Lat, na padagos sindang maheras nin interventions na makakatabang sa hanapbuhay kan nasabing sektor.
Kabale digdi an fingerlings disposal program kun sain nagtatao nin libreng semilya kan tilapia asin bangus sa backyard operators.
Siring man an municipal marine hatcheries na madudukayan sa banwaan kan Libon asin Ligao City kun sain makaka-admit digdi nin high value marine species na limatadong makukua.
Afuera digdi, igwa man sinda nin Techno Demonstration Project for Tilapia na nagbabarewas nin libreng feeds, semilya, technical assistance, pigtutukduan an mga parasisira o benipisyaryo na mag-culture kan tilapia na mapadakula asin matabangan na maipabakal.
Igwa man na pig-ofresir na Fisheries Scholarship sa mga aki kan paraooma kun sain nagtatangro sinda na makapag-adal nin libre para sa degree program na Bachelor of Science in Fisheries.
Dugang kan opisyal na igwa man sindang Seaweed Development Program na nagtatao nin libreng semilya asin ekipahe sa pagtanom nin seaweeds.
Sa ngunyan, nagmamawot man an ahensya na madugangan pa an pagprodusir nin asin o an Development of Salt Industry Project na kun sain ginibo man an test pilot kaini sa Tabaco City.
Liwat man na nagkundusir nin kompetisyon an ahensya kabale na paglaban-laban kan coastals sa provincia na pwedesir manggana nin premyo asin irepresentar kan Bicol sa national level.
