LEGAZPI CITY – Nagpapadagos an pagkundusir kan Bureau of Fisheries and Aquatic Resources (BFAR) nin mga coastal cleanup activities sa manlaen laen na lugar sa bilog na rehiyon.
Segun ki BFAR- Bicol spokesperson Nonie Enulva, komon man na an mga Local Government Unit (LGU) na mismo an nagsasagibo nin mga lakdang ngani na makapagsagibo kan siring na mga aktibidad bilang pagpapahiling nin pangangataman sa mga katubigan.
Nagpasalamat man an opisyal sa mga partner agencies kan ahensya siring kan Philippine National Police (PNP), Philippine Coastguard asin iba pa na nagkokundusir man nin parehong aktibidad.
Dugang pa kaini, naghahanda man an ahensya para sa mga nakalinyadang mga aktibidad sa bulan kan Mayo bilang selebrasyon kan month of the ocean.
Mientrastanto, pigbuyagyag man ni Enulva na nakatalaan man na magkondusir an BFAR nin coral reaf asessment sa Calaguas group of Islands huli ta dae maiibitaran na nakaka apertar man sa mga corals an padagos na pagbisita kan mga turista.
Pigbuyagyag man kaini na sa nakalihis na dekada, nanotaran kan ahensya na an siring na panahon hasta sa katapusan kan Abril an panahon kan mga stranding incidents huli sa pagbabago kan direksyon kan paros kun sain sa mga masunod na aldaw pinaglalaoman na madudugangan pa an mga darakulang sira na mai-stranded sa mga baybayon.
