LEGAZPI CITY- Nag-abot sa P5.7 million an danyos sa aquaculture sa Bicol segun sa datos kan Bureau of Fisheries and Aquatic Resources huli sa panrarapado kan nakalihis na bagyong Enteng.
Sa intrevista kan Bombo radyo Legazpi kay Rowena Briones, tagapagtaram kan BFAR Bicol, basado sa saindang inisyal asin partial assessment nasa 256 an apektadong mga parasisira sa rehiyon kun saen may kantidad na P5.7 million an danyos kaini.
Kadaklan suboot an nadanyaran iyo an produksyon kan sira asin mga bangka kan mga parasisira.
Nairehistro an pinakadakulang danyos sa probinsya kan Camarines Norte na nag-abot sa P2.5 million, pigsundan kan Sorsogon na igwang P1.2 million, Camarines Sur na igwang P1 million na danyos, sa Albay na igwang P530,000 danyos, Catanduanes naman na igwang P272,000 asin sa Masbate na igwang P45,000 an danyos sa fishery sector.
Mietrastanto, posible pa suboot ining madugangan huli ta nagpapadagos pa an consolidation kan ahensya gikan sa mga lokal na gobyerno.
Pigpapasumitir man nin damage assessment an mga LGU ngane na matawan nin magkakanigong asistensya an mga apektadong parasisira huli sa naging epekto kan bagyo.
