LEGAZPI CITY- Nagpagirumdom an mga otoridad sa mga beachgoers na magdoble sa paglilikay ngunyan na Semana Santa asin Summer vacation.
Ini an katakod kan pigkakahaditan na insidente na mabiktima nin jellyfish sting.
Segun ki Bureau of Fisheries and Aquatic Resources Bicol Spokesperson Rowena Briones sa intrevista kan Bombo Radyo Legazpi tuyong mainit an temperatura, mas nagigin komon an pagluwas kan mga box jellyfish sa mga kadagatan.
Katakod kaini, pinayuhan kan opisyal an mga turista asin beach goers na dae basta-basta maglangoy sa bako pamilya na mga katubigan asin maghapot muna sa mga tagsadiri kan beach o mga nakaka aram sa sitwasyon.
Enkaso man na mabiktima nin jellyfish sting, sinabi kan opisyal na kunmadukutan nin jellyfish importante na tulos na ipagtaong aram sa mga persona na may kaaraman kun papano ini matatawan nin lunas.
Paliwanag ni Briones na importante na mahiling kun may nawalat na galamay kan jellyfish sa kublit huli ta posible ining magkawsa nin iritasyon.
