Nakapag rehistro nin record sa kasaysayan kan Grammy Awards si Beyonce.
Ini an huli ta siya na an may kapot nin most- nominated artist of all time.
Huli didgi an nalagpasan na niya an agom na si Jay-Z.
An mag-agom kaya an parehong igwang 88 nomination huli sa saiyang bagong album na Cowboy Carter an nalagpasan na ini ni Beyonce.
Ngunian na taon kaya igwa ining 11 nominations kabale na an best Album, best country album asin song of the year na “Texas Hold’Em”.
Nagkapira sa mga dakol na nominees na tig-pito kada saro iyo sinda sina Billie Eilish, Kendrick Lamar, Post Malone asin Charli XCX.
Igwa man na tig-anom na nominations sinda Taylor Swift, Sabrina Carpenter asin Chappel Roan.
Kaiba man an legendary band na The Beatles na nominado sa record of the Year na “Now And Then” na sarong dae natapos na kanta kan bokalistang si John Lennon na ginibohan na nin paagi gamit an artificial intelligence o AI.
Gigibuhon an ceremony kan Grammy Awards sa Los Angeles sa Pebrero 2, 2025.
