LEGAZPI CITY – Nagtutubod si Presidential Task Force on Media Security (PTFoMS) Executive Director Usec. Joel Sy-Egco na ini na an panahon tangarig na marisa na haloy na dapat na inasikaso an “media welfare”.
Ini makalihis na manotaran asin akuon na dakol na media entities sa nasyon an bagsak an pagresponde sa mga pangangaipo kan mga personahe sa tahaw kan huma sa coronavirus afuera pa sa mga kalamidad asin krisis na pigko-cover.
Segun ki Egco sa intrevista kan Bombo Radyo Legazpi, ipigbubusol ngonyan asin nagsurat na tangarig na irekomendar na isabay man an media workers na nasa frontline sa makakaresibe nin mga beneficio.
Dakulang tabang suboot ini tangarig na mabawasan an kadificilan asin agyat kan panahon na kinakahampang ngonyan kan mga taga-media.
Aminado man si Egco na haloy nang problema sa industriya an ipigdudulok na isyu.
