LEGAZPI CITY – Buhay na buhay an diwa nin bayanihan kan mga Filipino Community sa mga kapwa pilipinong naapektaran kan gyera sa pagultangan kan Thailand asin Cambodia.
Segun ki Bombo International News Correspondent Toto Cadapan sa intrevista kan Bombo Radyo Legazpi na kadaklan sa mga filipino Teachers sa Thailand an nangangapodan na nin tabang asistensya sa gobierno huli ta wara na ining makaon na resulta man kan labanan.
Sa kagayunan an nagtetenir suboot an saindang komunikasyon asin nabubuhay an saindang pagigin pilipino sa paagi kan pagtatarabangan sa saindang mga kababayan na labing nangangaipuhan.
Posibleng igwang pigtagama na mga pagkaon an mga OFW sa saindang mga harong alagad dae na ninda ini nadara huli man sa mga biglaang evacuation kan magputok an gyera.
Pigtaram pa kaini na sa ibong kan mag-inibong na opensiba kan duwang nacion sa kada saro kan nakaaging aldaw, wara man siyang nabaretaan na pilipinong nakadestino sa Thailand an nag-uli sa Pilipinas.
An iba sa mga pilipinong naka-istar harani sa boarders an napiritan munang maghotel makalihis na pa-ebakwaron sinda kan saindang administrator.
Sa presente an nagkaigwa na nin ceasefire an duwang nacion kun sain pareho ining naglatag kan saindang mga kondisyon na dapat sunudon alagad may nadadangog pa man sinda liwat nin palitan nin putok.
Aa pakikipag-olay man ni Cadapan sa filipino community na naka-istar sa mga boarders an naaraman niyang nagkaigwa na an mga ini nin trauma makalihis an saindang na-eksperyensyahang maipit sa nasabing gyera.
