LEGAZPI CITY – Nagtutubod an grupong Bayan-Bicol na mas makakatabang kun jeepney rehabilition an gigibuhon kaysa sa jeepney phase-out.
Kinakaipuhan man suboot na tabangan an gobyerno ngani na magin environment-friendly asin mas mapagayon an serbisyo kan presenteng pampasadang jeep.
Pigduon man kan nasambitan na grupo na mas kinakaipuhan na ipagpadagos an Peace talks sa pagultangan kan gobyerno asin rebeldeng grupo ngani na makumpleto asin maisapinal an Comprehensive Agreement on Socio-Economic Reforms (CASER) na iyo an kakambal kan repormang agraryo na makakatabang sa pag-uswag kan ekonomiya asin abot-kayang pampublikong sistemang transportasyon.
